Shikhar Dhawan IPL 2022: పంజాబ్ కింగ్స్.. ఐపీఎల్లో రెండో విజయం కోసం చూస్తోంది. నేడు (ఆదివారం) చెన్నై సూపర్ కింగ్స్తో తలపడనుంది. రాత్రి 7.30 గంటలకు ముంబయి బ్రబౌర్న్ స్టేడియంలో మ్యాచ్ జరగనుంది. మరోవైపు.. చెన్నై ఆడిన రెండు మ్యాచ్ల్లోనూ ఓడి పాయింట్ల పట్టికలో 8వ స్థానంలో ఉంది. అయితే.. ఈ మ్యాచ్లో రాణిస్తే పంజాబ్ ఓపెనర్ శిఖర్ ధావన్ పలు రికార్డుల్ని ఖాతాలో వేసుకోనున్నాడు.
చెన్నై సూపర్ కింగ్స్పై అత్యధిక పరుగులు చేసిన ఆటగాళ్ల జాబితాలో విరాట్ 948 పరుగులతో తొలి స్థానంలో ఉన్నాడు. మరో 41 పరుగులు చేస్తే ధావన్.. విరాట్ను అధిగమిస్తాడు. అంతేకాకుండా మరో అరుదైన రికార్డుకు చేరువలో ఉన్నాడు శిఖర్. మరో 7 బౌండరీలు సాధిస్తే.. టీ20ల్లో 1000 ఫోర్లు బాదిన తొలి భారత క్రికెటర్గా నిలుస్తాడు. ప్రస్తుతం ధావన్ టీ20ల్లో 993 ఫోర్లు సాధించాడు. ఈ జాబితాలో క్రిస్ గేల్(విండీస్) 1132 ఫోర్లతో తొలి స్థానంలో ఉన్నాడు. అలెక్స్ హేల్స్(ఇంగ్లాండ్) 1054, డేవిడ్ వార్నర్ (ఆసీస్) 1005 వరుసగా తర్వాతి స్థానాల్లో ఉన్నారు.