ఆస్ట్రేలియాతో సిరీస్లోని జట్టు కూర్పులను ప్రపంచకప్లో వినియోగించకపోవచ్చని భారత జట్టు బౌలింగ్ కోచ్ భరత్ అరుణ్ తెలిపారు. మెగాటోర్నీని దృష్టిలో ఉంచుకొని జట్టు గెలిచేందుకు అన్ని ప్రయోగాలు చేశామని చెప్పారు.
మే 30 నుంచి ఇంగ్లండ్ వేదికగా జరగనున్న ప్రపంచకప్లో జట్టు కూర్పుపై ఎలాంటి ఆందోళన లేదని తెలిపారు. ఇంగ్లీష్ గడ్డపై సత్తా చాటుతామని ధీమా వ్యక్తం చేశారు. పరిస్థితులకు తగట్టుగా అన్ని అవకాశాలను పరిశీలిస్తామని తెలిపారు.
టీమిండియా విజయాల రేటు 75శాతం ఉందనే విషయాన్ని మరువకూడదని బదులిచ్చారు అరుణ్. ఏ జట్టుకు ఇన్ని విజయాలు లేవని గుర్తు చేశారు. మెగాటోర్నీ ముందే జట్టులో లోపాలను సరిచేసుకునే అవకాశం దక్కిందని సంతోషం వ్యక్తం చేశారు.