Ind Vs Pak Asia Cup 2023 : ప్రతిష్టాత్మక ఆసియా కప్కు బుధవారం తెరలేవనుంది. పాకిస్థాన్లోని ముల్తన్ క్రికెట్ స్టేడియం వేదికగా జరగనున్న ఈ తొలి పోరు కోసం పాక్- నేపాల్ జట్లు సిద్ధంగా ఉన్నాయి. ఈ క్రమంలో ఇప్పటికే రెండు జట్లు పాకిస్థాన్కు పయనమవ్వగా.. మధ్యాహ్నం 3 గంటలకు ఈ మ్యాచ్ ప్రారంభం కానుంది.
అయితే ఆసియా కప్లో ఆరు జట్లు పోటీ పడనుండగా.. అందరి దృష్టి మాత్రం ఇండియా పాకిస్థాన్ మ్యాచ్లపైనే ఉంది. సాధారణంగా ఈ రెండు జట్ల మధ్య ఏడాదికి ఒక్క మ్యాచ్ జరిగితేనే ఫ్యాన్స్ ఎంతో ఆసక్తిగా చూస్తుంటారు. అలాంటిది ఇప్పుడు రెండు వారాల్లో మూడు సార్లు ఇండో–పాక్ వార్ క్రికెట్ లవర్స్ను అలరించనుంది. ఈ క్రమంలో తొలి పొరు సెప్టెంబర్ 2న ఆరంభం కానుంది. శ్రీలంకలోని పల్లెకలె వేదికగా జరగనున్న ఈ ఉత్కంఠ మ్యాచ్ కోసం అందరూ ఎదురుచూస్తున్నారు.