ICC ODI Ranking 2023 :ఐసీసీ బుధవారం విడుదల చేసిన వన్డే ర్యాంకింగ్స్లో టీమ్ఇండియా యంగ్ బ్యాటర్ శుభ్మన్ గిల్.. బాబర్ అజామ్ను వెనక్కినెట్టి ఆగ్రస్థానాన్ని దక్కించున్నాడు. గిల్ ప్రస్తుతం 830 రేటింగ్స్తో తొలిసారి కెరీర్లో టాప్ పొజిషన్కు చేరుకున్నాడు. పాకిస్థాన్ బ్యాటర్ బాబర్ అజామ్ 824 రేటింగ్స్తో రెండో స్థానానికి పడిపోయాడు. ఇక టీమ్ఇండియా స్టార్ బ్యాటర్ విరాట్ కోహ్లీ (770) నాలుగో స్థానంలో ఉండగా.. కెప్టెన్ రోహిత్ శర్మ (739) ఆరో ప్లేస్లో కొసాగుతున్నాడు. ఇక ప్రస్తుత వరల్డ్కప్ టోర్నమెంట్లో రాణిస్తున్న టీమ్ఇండియా మిడిలార్డర్ బ్యాటర్ శ్రేయస్ అయ్యర్ ఏకంగా 17 స్థానాలు మెరుగుపర్చుకున్నాడు. అతడు ప్రస్తుతం 643 రేటింగ్స్.. 18వ స్థానంలో ఉన్నాడు.
టాప్ 5 స్థానాల్లో ఉన్న బ్యాటర్లు
- శుభ్మన్ గిల్ (భారత్) - 830 రేటింగ్స్
- బాబర్ అజామ్ (పాకిస్థాన్ )- 824 రేటింగ్స్
- క్వింటన్ డికాక్ (సౌతాఫ్రికా) - 771 రేటింగ్స్
- విరాట్ కోహ్లీ (భారత్) - 743 రేటింగ్స్
- డేవిడ్ వార్నర్ (ఆస్ట్రేలియా) - 743 రేటింగ్స్.
సిరాజ్ మళ్లీ నెం. 1 .. గతమ్యాచ్లో సౌతాఫ్రికాపై చెలరేగిన టీమ్ఇండియా పేసర్ మహ్మద్ సిరాజ్ (709 రేటింగ్స్).. రెండు స్థానాలు ఎగబాకి టాప్లోకి చేరుకున్నాడు. సౌతాఫ్రికా స్పిన్నర్ కేశవ్ మహరాజ్ (694 రేటింగ్స్) రెండో స్థానంలో కొనసాగుతున్నాడు. ఇక టీమ్ఇండియా బౌలర్లలో కుల్దీప్ (661 రేటింగ్స్) నాలుగో స్థానంలో ఉండగా.. జస్ప్రీత్ బుమ్రా (654) ఎనిమిది, మహ్మద్ షమి (635 రేటింగ్స్) 10వ స్థానంలో కొనసాగుతున్నారు. కాగా, ఈ లిస్ట్ టాప్ 10లో 4 భారత బౌలర్లు ఉండడం విశేషం.