ICC ODI Mens Ranking 2023 :అంతర్జాతీయ క్రికెట్ కౌన్సిల్ బుధవారం విడుదల చేసిన వన్డే ర్యాంకింగ్స్లో టీమ్ఇండియా కెప్టెన్ రోహిత్ శర్మటాప్ 10లోకి దూసుకొచ్చాడు. ఏకంగా ఐదు స్థానాలు ఎగబాకి.. 719 రేటింగ్స్తో ప్రస్తుతం ఆరో స్థానంలో కొనసాగుతున్నాడు. స్టార్ బ్యాటర్ విరాట్ కోహ్లీ.. 711 రేటింగ్స్తో తొమ్మిదో స్థానంలో ఉన్నాడు. ఇక పాకిస్థాన్ కెప్టెన్ బాబర్ అజామ్ 836 రేటింగ్స్తో టాప్లో ఉండగా.. టీమ్ఇండియా ఓపెనర్ శుభ్మన్ గిల్ 818 రేటింగ్స్తో రెండో స్థానంలో కొనసాగుతున్నాడు.
ప్రస్తుతం జరుగుతున్న ప్రపంచకప్లో వరుసగా రెండు సెంచరీలు సాధించిన.. సౌతాఫ్రికా వికెట్ కీపర్ క్వింటన్ డికాక్ ఒక స్థానం మెరుగుపర్చుకొని 742 రేటింగ్స్తో మూడో ప్లేస్ దక్కించుకున్నాడు. అఫ్గానిస్థాన్ ఓపెనర్ రహ్మానుల్లా గుర్బాజ్ ఏకంగా 19 స్థానాలు మెరుగుపర్చుకొని 18వ స్థానం దక్కించుకున్నాడు. మరోవైపు నెదర్లాండ్స్ కెప్టెన్ స్కాట్ ఎడ్వర్డ్స్ 16 స్థానాలు ఎగబాకి 27 ప్లేస్లో కొనసాగుతున్నాడు.
టాప్ 5లో స్థానాల్లో ఉన్న బ్యాటర్లు..
- బాబర్ ఆజామ్ (పాకిస్థాన్) - 836 రేటింగ్స్
- శుభ్మన్ గిల్ (భారత్) - 818 రేటింగ్స్
- క్వింటన్ డి కాక్ ( సౌతాఫ్రికా) - 742 రేటింగ్స్
- రస్సీ వాన్ డర్ డస్సెన్ (సౌతాఫ్రికా) - 732 రేటింగ్స్
- హ్యారీ టెక్టార్ (ఐర్లాండ్) - 729 రేటింగ్స్