CSK New Captain Jadeja: చెన్నై సూపర్కింగ్స్ జట్టు కెప్టెన్సీకి మహేంద్ర సింగ్ ధోనీ గురువారం గుడ్బై చెప్పాడు. సారథిగా బాధ్యతల నుంచి తప్పుకున్నట్లు ప్రకటించాడు. ఈ నేపథ్యంలో ఆల్రౌండర్ రవీంద్ర జడేజాకు కెప్టెన్సీ బాధ్యతలు అప్పగిస్తున్నట్లు ఫ్రాంచైజీ తెలిపింది. ఈ మేరకు తనను ఎంపిక చేయడంపై హర్షం వ్యక్తం చేశాడు జడేజా.
''చాలా సంతోషంగా ఉంది. ఇదే సమయంలో నాపై పెద్ద బాధ్యత కూడా పడింది. కెప్టెన్గా జట్టును నేను విజయవంతంగా ముందుకు తీసుకెళ్లాల్సిన అవసరం ఉంది. కానీ దీని గురించి నేను అంతగా ఆందోళన చెందాల్సిన పనిలేదు. ఎందుకంటే ధోనీ భయ్యా కెప్టెన్గా మాత్రమే తప్పుకున్నాడు. ఆటగాడిగా జట్టులోనే ఉంటాడు. ధోనీ భయ్యా సలహాలను నేను ఉపయోగించుకుంటాను. మీ ప్రేమకు, అభిమానానికి కృతజ్ఞతలు'' అంటూ జడ్డూ పేర్కొన్నాడు.