తన బౌలింగ్తో ప్రత్యర్థి బ్యాట్స్మెన్కు వణుకుపుట్టిస్తూ బౌలర్ల ర్యాంకింగ్స్లో అగ్రస్థానంలో కొనసాగుతున్నాడు టీమిండియా పేసర్ బుమ్రా. ఈ బౌలర్పై కొంత కాలంగా సామాజిక మాధ్యమాల్లో పుకార్లు షికార్లు చేస్తున్నాయి. సినీతారతో డేటింగ్ చేస్తున్నాడంటూ వస్తున్న గాసిప్స్ మధ్య ఓ ఫొటోను ట్విట్టర్లో షేర్ చేశాడీ పేసర్.
పాకిస్థాన్‌తో మ్యాచ్ అనంతరం హోటల్‌లో ఓ అమ్మాయి భుజంపై చేయి వేసి నడుస్తుండగా కెమెరా క్లిక్మనిపించింది. సోషల్ మీడియాలో ఈ ఫొటోపై భారీగా కామెంట్లు కనిపించాయి.
అమ్మాయి అడుగులో అడుగు వేస్తూ నడుస్తున్న ఫొటోను బుమ్రా ట్విట్టర్లో ట్యాగ్ చేశాడు. "నా జీవితంలో ఎలాంటి పరిస్థితుల్లోనైనా తన భుజాన్ని నాకు ఆసరాగా ఇచ్చి ప్రోత్సహిస్తుంది. ఎవరు ఏమనుకున్నా పట్టించుకోను" అంటూ ఓ కామెంట్ పెట్టాడు. కొందరు అనుపమా పరమేశ్వరన్ కాదుగా అంటూ సందేహం వ్యక్తం చేశారు. బుమ్రా వాళ్ల తల్లి కావచ్చని మరికొందరు ఆ గాసిప్స్కు సమాధానమిచ్చారు.
ఇంతకుముందు.. నటి అనుపమా పరమేశ్వరన్తో బుమ్రా డేటింగ్ చేస్తున్నాడంటూ వార్తలొచ్చాయి. ఈ విషయంపై అనుపమా వివరణ కూడా ఇచ్చింది. "క్రికెటర్ బుమ్రాతో పరిచయం ఉంది. అతను నాకు మంచి స్నేహితుడు" అని అనుపమా మీడియాతో అన్నట్లు వార్తలు వచ్చాయి.
ఇవీ చూడండి.. ఐసీసీ ట్వీట్పై సచిన్ ఫన్నీ రిప్లే