పాకిస్థాన్​లో ఆడేందుకు శ్రీలంక క్రికెటర్ల విముఖత

ఈ నెల 27 నుంచి పాకిస్థాన్​ పర్యటన నేపథ్యంలో ఆ దేశానికి షాకిచ్చారు శ్రీలంక ఆటగాళ్లు. భద్రతా కారణాల దృష్ట్యా దాయాది దేశంలో అడేందుకు నిరాకరించారు.

పాకిస్థాన్​లో సిరీస్ ఆడేందుకు శ్రీలంక ప్లేయర్లు నిరాకరించారు. భద్రతా కారణాల దృష్ట్యా టీ 20 కెప్టెన్ లసిత్ మలింగతో సహా 10 మంది ఆటగాళ్లు పాక్​లో సిరీస్ ఆడేందుకు సముఖత వ్యక్తం చేయలేదు. ఈ జాబితాలో లంక జట్టు మాజీ సారథులు ఆంజెలో మ్యాథ్యూస్, తిసారా పెరీరా ఉన్నారు.

సెప్టెంబర్ 27 నుంచి పాకిస్థాన్​లో ఆరు మ్యాచ్​లు ఆడాల్సి ఉంది శ్రీలంక. అక్టోబర్​ 9 వరకు కొనసాగే ఈ పర్యటనలో ఇందులో మూడు వన్డేలు, మూడు టీ 20లు ఉన్నాయి.

2009లో శ్రీలంక క్రికెటర్ల వాహనాలపై ఉగ్రదాడి అనంతరం పాక్​లో అంతర్జాతీయ మ్యాచ్​ ఆడలేదు ఆ దేశం. అప్పటి నుంచి యూఏఈ కేంద్రంగా పాకిస్థాన్ ఇతర దేశాలతో మ్యాచ్​లు ఆడుతుంది.

ఇదీ చదవండి: దక్షిణాఫ్రికా బ్యాటింగ్ కోచ్​గా భారతీయుడు