భారత మాజీ క్రికెటర్ వీబీ చంద్రశేఖర్ గురువారం మృతిచెందారు. చెన్నైలోని తన నివాసంలో ఉరివేసుకుని ఆత్మహత్యకు పాల్పడ్డారు. ఆర్థిక సమస్యలే ఆయన బలవన్మరణానికి కారణమని విశ్వసనీయ వర్గాల సమాచారం.
చంద్రశేఖర్ గుండెపోటుతో మరణించారని తొలుత వార్తలు వచ్చాయి. తమిళనాడు పోలీసులు కేసు నమోదు చేసుకుని దర్యాప్తు ప్రారంభించారు. ఆత్మహత్యేనని ధ్రువీకరించారు.
1988 నుంచి 1990 వరకు భారత్ తరఫున ఏడు వన్డేల్లో ప్రాతినిధ్యం వహించి 88 పరుగులు చేశారు చంద్రశేఖర్. తమిళనాడుకు చెందిన ఈ ఓపెనింగ్ బ్యాట్స్మన్ దేశవాళీలో 81 ఫస్ట్క్లాస్ మ్యాచ్ ఆడారు. 4వేల 999 పరుగులు చేశారు. ఈయన అత్యుత్తమ స్కోరు 237 నాటౌట్.