ఆస్ట్రేలియాతో వన్డే సిరీస్లో గెలిచి, సిరీస్ను 2-1 తేడాతో సొంతం చేసుకుంది టీమిండియా. ఈ మ్యాచ్లో సెంచరీతో ఆకట్టుకున్నాడు భారత్ ఓపెనర్ రోహిత్ శర్మ. విజయంలో కీలక పాత్ర పోషించాడు. ఈ సందర్భంగా అతడిపై ప్రశంసలు కురిపించాడు పాక్ మాజీ పేసర్ షోయబ్ అక్తర్. అప్పర్ కట్లో కొట్టిన సిక్స్తో సచిన్ను తలపించాడని అన్నాడు.
నువ్వు ఆ సిక్స్తో సచిన్ను గుర్తుచేశావ్: షోయబ్ అక్తర్ - cricket news
భారత్-ఆస్ట్రేలియా చివరి వన్డేలో శతకంతో మెరిసిన రోహిత్ శర్శను ప్రశంసలతో ముంచెత్తాడు పాక్ మాజీ పేసర్ షోయబ్ అక్తర్. ఈ మ్యాచ్లో టీమిండియా సమష్టిగా రాణించిందని అన్నాడు.
స్టార్ ఓపెనర్ రోహిత్ శర్మ
"ఒకసారి రోహిత్ టచ్లోకి వచ్చాడంటే అతడ్ని ఆపటం కష్టం. బంతి ఏదైనా అతడికి ఒక్కటే. రోహిత్ బ్యాటు నుంచి షాట్లు సులభంగా వస్తాయి. పేస్ బౌలింగ్లో కొట్టిన అప్పర్ కట్తో నువ్వు సచిన్ను గుర్తుచేశావు. 2003 ప్రపంచకప్లో సచిన్ నా బౌలింగ్లో ఇలాంటి సిక్స్లే కొట్టాడు. దానిని మరోసారి నువ్వు గుర్తుచేశావు" -షోయబ్ అక్తర్, పాక్ మాజీ పేసర్
ఈ మ్యాచ్లో 7 వికెట్ల తేడాతో భారత్ గెలిచింది. రోహిత్(119)కు తోడు కోహ్లీ(89), శ్రేయస్ అయ్యర్(44) ఆకట్టుకున్నారు. ఆస్ట్రేలియా నిర్దేశించిన 287 పరుగుల లక్ష్యాన్ని 47.3 ఓవర్లలోనే ఛేదించింది టీమిండియా.