ఐపీఎల్ ద్వారా భారత టీ20 ప్రపంచకప్ తుది జట్టులో స్థానం సంపాదిస్తానని ఆశాభావం వ్యక్తం చేశాడు టీమిండియా స్పిన్నర్ కుల్దీప్ యాదవ్. గతేడాది జరిగిన మ్యాచ్ల ద్వారా విదేశీ మైదానాల్లో ఉత్తమ స్పిన్బౌలింగ్ చేయగలడని జట్టుకు నమ్మకం కలిగినా.. ఈ ఏడాది జరిగిన మ్యాచ్ల్లో పేలవ ప్రదర్శనతో నిరాశపరిచాడు. దీనిపై తాజాగా స్పందించాడు కుల్దీప్.
"న్యూజిలాండ్‌ మైదానాల్లో వికెట్లు సాధించటం మిగిలిన వాటికంటే చాలా భిన్నమైనది. టెస్టుల్లో స్పిన్ ట్రాక్‌లు లేవు. ఇది సుదీర్ఘమైన టెస్టు సిరీస్ కాదు. ఈ విషయంలో కోచ్ రవిశాస్త్రి నాకు చాలా మద్దతుగా నిలిచాడు."
- కుల్దీప్ యాదవ్, టీమిండియా స్పిన్నర్
2018 జనవరిలో సిడ్నీలో ఆస్ట్రేలియాతో జరిగిన టెస్టు సిరీస్ తర్వాత మరే టెస్టు మ్యాచ్లో ఆడలేదు కుల్దీప్. ఈ ఏడాది జనవరిలో శ్రీలంకపై చివరి టీ20, తాజాగా కివీస్పై జరిగిన వన్డే సిరీస్లో ఒక్క మ్యాచ్లో మాత్రమే టీమిండియాకు ప్రాతినిధ్యం వహించాడు. ఈ క్రమంలో ఐపీఎల్లో మంచి ప్రదర్శన కనబరచి ఈ ఏడాది జరగబోయే టీ20 ప్రపంచకప్లో స్థానం సంపాదించే దిశగా కృషి చేస్తున్నాడు.