ఆగకుండా వర్షం.. నాలుగో​ టెస్టుకు ఆటంకం

ఆస్ట్రేలియాతో జరుగుతోన్న గబ్బా టెస్టులో రెండో రోజు ఆటలో తొలి ఇన్నింగ్స్​ ప్రారంభించిన భారత జట్టు.. టీ బ్రేక్​ సమయానికి రెండు వికెట్లు కోల్పోయి 62 పరుగులు చేసింది. ఆ తర్వాత నుంచి ఆగకుండా కురుస్తున్న వర్షం కారణంగా మ్యాచ్​ నిలిచిపోయింది.

ఆస్ట్రేలియాతో జరుగుతోన్న నాలుగో(చివరి) టెస్టులో భారత్​కు ఆదిలోనే షాక్​ తగిలింది. రెండో రోజు ఆటలో తొలి ఇన్నింగ్స్​ ప్రారంభించిన టీమ్​ఇండియా ఓపెనర్‌ శుభ్‌మన్‌గిల్‌(7).. కమిన్స్‌ బౌలింగ్​లో స్మిత్‌ చేతికి చిక్కాడు. దీంతో భారత్‌ 11 పరుగులకే తొలి వికెట్‌ కోల్పోయింది. రెండో వికెట్​గా రోహిత్(44) లయన్​ బౌలింగ్​లో స్టార్క్​ క్యాచ్​ ఔట్​ అయ్యాడు.​ దీంతో రెండు రోజు ఆటలో టీ బ్రేక్​ సమయానికి భారత్​.. రెండు వికెట్​ కోల్పోయి 62 పరుగులు చేసింది. అనంతరం వర్షం కురుస్తుండటం వల్ల మ్యాచ్​కు ఆటంకం ఏర్పడింది.

అంతకుముందు ఆస్ట్రేలియా తొలి ఇన్నింగ్స్‌లో 369 పరుగులకు ఆలౌటైంది. శనివారం 274/5తో రెండో రోజు ఆట కొనసాగించిన ఆతిథ్య జట్టు మరో 95 పరుగులు చేసి చివరి ఐదు వికెట్లు కోల్పోయింది. కెప్టెన్‌ టిమ్‌పైన్‌ అర్ధశతకం సాధించాడు. భారత బౌలర్లలో నటరాజన్‌, శార్దుల్‌ ఠాకుర్‌, వాషింగ్టన్‌ సుందర్‌ మూడేసి వికెట్లు తీయగా, సిరాజ్​ ఓ వికెట్​ దక్కించుకున్నాడు.