టెస్టుల్లో భారత్, వన్డే జాబితాలో ఇంగ్లండ్ తొలిస్థానాల్లో కొనసాగుతున్నాయి. తాజాగా ఐసీసీ దీనికి సంబంధించిన మార్పులు చేసిన జాబితాను వెల్లడించింది. ఇందులో 2015-16లో జరిగిన మ్యాచ్ ఫలితాల రికార్డులను తొలగించి.. 2016-17, 2017-18 సిరీస్‌ల నుంచి 50 శాతం సరాసరిని పరిగణనలోకి తీసుకుంది.
ఈ తాజా జాబితాకు ముందు... టెస్టుల్లో భారత్ (116), న్యూజిలాండ్ (108) మధ్య 8 పాయింట్ల అంతరం ఉండేది. కానీ 2015-16లో దక్షిణాఫ్రికా, శ్రీలంకపై భారత్ సాధించిన విజయాలను లెక్కలోకి తీసుకోలేదు. ఫలితంగా టీమ్‌ఇండియా ఖాతాలోంచి మూడు పాయింట్లు కోత విధించారు. కివీస్కు 3 పాయింట్లు పెరిగాయి. ప్రస్తుతం భారత్ (113), న్యూజిలాండ్ (111)తో వరుసగా ఒకటి, రెండో ర్యాంకుల్లో కొనసాగుతున్నాయి. ఆస్ట్రేలియా (98)ను వెనక్కి నెట్టి ఇంగ్లండ్ (105) నాలుగో స్థానానికి ఎగబాకింది. 7, 8 ర్యాంకుల్లో పాకిస్థాన్, వెస్టిండీస్ కొనసాగుతున్నాయి.
ఐసీసీ ప్రకటించిన టెస్టు ర్యాంకులు రెండే పాయింట్లు తేడా...
ప్రస్తుతం వన్డేల్లో ఇంగ్లండ్ (123) పాయింట్లతో టాప్లో ఉంది. భారత్ (121) పాయింట్లతో రెండో స్థానంలో కొనసాగుతోంది. దక్షిణాఫ్రికా 3 పాయింట్లు మెరుగుపడి మూడో స్థానంలోకి రాగా, న్యూజిలాండ్ నాలుగో స్థానానికి పడిపోయింది.
ఐసీసీ ప్రకటించిన వన్డే ర్యాంకులు హోదా వచ్చినా ఫలితం నిల్...
- అఫ్ఘానిస్థాన్, ఐర్లాండ్ జట్లు టెస్టు హోదా దక్కించుకున్నా...సరిపడా మ్యాచ్లు ఆడకపోవడం వల్ల టెస్టు ర్యాంకుల జాబితాలో చోటు దక్కలేదు.
- నమీబియా, నెదర్లాండ్స్, ఒమన్, యూఎస్ఏ కొత్తగా వన్డే హోదా పొందాయి. కానీ ఇవి కూడా ఎక్కువగా మ్యాచ్లు ఆడకపోవడం కారణంగా ర్యాంకింగ్స్ జాబితాలో స్థానం లభించలేదు.
టీ20 ర్యాంకింగ్స్లో అయిదో స్థానం...
తాజాగా విడుదల చేసిన పురుషుల టీ20 ర్యాంకింగ్స్లో పాకిస్థాన్(286) తొలిస్థానంలో కొనసాగుతోంది. భారత్(260) పాయింట్లతో మూడు స్థానాలు దిగజారి... అయిదో స్థానంలో నిలిచింది. దక్షిణాఫ్రికా(262), ఇంగ్లండ్ (261), ఆస్ట్రేలియా (261) పాయింట్లతో రెండు, మూడు, నాలుగు స్థానాల్లో ఉన్నాయి. 2015-16 ఏడాది విజయాలను తొలగించి.. 2016-17, 2017-18 ఫలితాలనే పరిగణనలోకి తీసుకున్నారు. ఫలితంగా భారత్ రెండో స్థానం నుంచి అయిదో స్థానానికి పడిపోయింది. నేపాల్ 11, నమీబియా 20వ స్థానం సంపాదించుకున్నాయి.
