పంత్ ప్రపంచకప్లో ఉంటాడా లేదా అన్న విషయంపై ఇంకా స్పష్టత లేదు. కెప్టెన్ కోహ్లీ మాత్రం పంత్, రాహుల్కి ప్రపంచకప్కు ముందు ఎక్కువ అవకాశాలు ఇస్తామంటున్నాడు. దీనిపై మాజీ కెప్టెన్ గంగూలీ స్పందిస్తూ పంత్ చాలా విలువైన ఆటగాడని.. అనుభవం తక్కువని అన్నాడు.
ఇప్పటివరకు కేవలం మూడు వన్డేలు ఆడిన పంత్కు ప్రపంచకప్లో ఎలా అవకాశం ఇస్తారని ప్రశ్నించాడు గంగూలీ. భవిష్యత్లో పంత్ గొప్ప ఆటగాడవుతాడని కితాబిచ్చాడు.
"ప్రస్తుతం భారత జట్టు చాలా బలంగా ఉంది. తుది ఎంపికలో ఎక్కువ మార్పులు కనిపించకపోవచ్చు. బౌలింగ్లో బుమ్రా, భువనేశ్వర్, షమి, స్పిన్నర్లు చాహల్, కుల్దీప్లు కీలక పాత్ర వహిస్తారు. టీ20 సిరీస్లో రాహుల్ చాలా బాగా ఆడాడు. విదేశాల్లోనూ ఇదే ఫామ్ను కొనసాగించాలి. ప్రపంచకప్ ఎవరు గెలుస్తారో చెప్పడం కష్టం. అన్ని జట్లు చాలా బలంగా ఉన్నాయి. భారత్, ఆస్ట్రేలియా, ఇంగ్లాండ్, వెస్టిండీస్, దక్షిణాఫ్రికా, న్యూజిలాండ్, పాకిస్థాన్తో పాటు తాజాగా దక్షిణాఫ్రికాలో టెస్ట్ సిరీస్ గెలిచిన శ్రీలంక కూడా బలంగా ఉంది. ఆసీస్తో సిరీస్ను గెలిచి సానుకూల దృక్ఫథంలో భారత్ ప్రపంచకప్కు వెళ్లాలి.