విరాట్​పై వినూత్న అభిమానం.. ఫోన్లతో బొమ్మ రూపకల్పన

పాత మొబైల్ ఫోన్లు, వైర్ల సాయంతో విరాట్ కోహ్లీ బొమ్మను తయారు చేశాడు ఓ వ్యక్తి. అతడి అభిమానానికి ముగ్ధుడైన టీమిండియా కెప్టెన్.. ఆటోగ్రాఫ్ ఇచ్చి అభినందించాడు.

నచ్చిన క్రికెటర్లపై అభిమానాన్ని వైవిధ్య రీతిలో వ్యక్తపరుస్తుంటారు అభిమానులు. ఇటీవలే టీమిండియా సారథి విరాట్ కోహ్లీ పేరు, జెర్సీ నెంబర్​ను ఒళ్లంతా పచ్చబొట్టు పొడిపించుకున్న ఓ వ్యక్తిని మరువక ముందే.. తాజాగా మరో ఫ్యాన్​ వినూత్నంగా విరాట్​పై అభిమానాన్ని చాటుకున్నాడు. చరవాణిలతో కోహ్లీ బొమ్మను రూపొందించి అతడి చేత అభినందనలు అందుకున్నాడు.

అసోం గుహవటికి చెందిన రాహుల్ పరేక్ మొబైల్ ఫోన్లు, వైర్ల సాయంతో విరాట్ బొమ్మను రూపొందించాడు. మూడు రోజుల్లోనే ఈ పని పూర్తి చేశాడు. అతడి అభిమానానికి ముగ్ధుడైన కోహ్లీ.. ఆటోగ్రాఫ్ ఇచ్చి అభినందించాడు. ఈ వీడియోను బీసీసీఐ ట్విట్టర్లో షేర్ చేసింది.

"పాత చరవాణిలు, వైర్లతో కోహ్లీ కళాఖండాన్ని రూపొందించా. ఇందుకు మూడు రోజుల సమయం పట్టింది. నా కళను మెచ్చి విరాట్ ఆటోగ్రాఫ్ ఇచ్చాడు. విరాట్​ను కలిసేటప్పుడు ఆనందంతో నా గుండె వేగం పెరిగింది. శ్రీలంకతో సిరీస్​ కోసం కోహ్లీ గుహవటి వస్తాడని కొన్ని నెలల ముందే తెలిసింది." -రాహుల్ పరేక్, కోహ్లీ అభిమాని.

గుహవటి వేదికగా శ్రీలంకతో తొలి మ్యాచ్ ఈ రోజు ప్రారంభం కానుంది. ఈ నెల 7న ఇండోర్​లో రెండో టీ20 జరగనుంది. ఈ నెల 10న పుణె వేదికగా ఆఖరి టీ20 నిర్వహించనున్నారు.

ఇదీ చదవండి: ఇర్ఫాన్ కెరీర్ ముగియడానికి కారణమేంటో తెలుసా?