పాకిస్థాన్ లెఫ్ట్ ఆర్మ్ పేసర్ మహ్మద్ ఆమిర్.. పరిమిత ఓవర్ల క్రికెట్లో మరింత మెరుగ్గా రాణించేందుకు టెస్టు క్రికెట్కు శుక్రవారం వీడ్కోలు పలికాడు. అనంతరం ఈ విషయంపై స్పందించాడు ఈ పేస్ బౌలర్.
"సంప్రదాయ క్రికెట్లో పాకిస్థాన్ తరఫున ఆడటం నాకెంతో గర్వకారణం. పరమిత ఓవర్ల క్రికెట్లో రాణించేందుకే ఈ ఫార్మాట్కు వీడ్కోలు పలికాను. ఈ విషయంపై బాగా ఆలోచించే నిర్ణయం తీసుకున్నా. త్వరలో టెస్టు ఛాంపియన్షిప్ ప్రారంభం కానుంది. కాబట్టి టెస్టు జట్టులో కుర్రాళ్లకు అవకాశం దక్కాలంటే ఇప్పుడు నేను తప్పుకోవాలని అనుకున్నాను. టెస్టుల్లో నాతో పాటు ఆడిన సహచరులు, ప్రత్యర్థులకు ధన్యవాదాలు." -మహ్మద్ ఆమిర్, పాక్ క్రికెటర్