వచ్చే ఏడాది ఆస్ట్రేలియా పర్యటనకు వెళ్లనుంది టీమిండియా. ఇందులో భారత్.. 2 డే/నైట్ టెస్టులు ఆడే ప్రతిపాదనపై ఆస్ట్రేలియా క్రికెట్(సీఏ) తనను సంప్రదించలేదని బీసీసీఐ అధ్యక్షుడు సౌరభ్ గంగూలీ చెప్పాడు. 4 టెస్టుల సిరీస్లో 2 డే/నైట్ టెస్టులు ఆడటం వీలు కానిదని అన్నాడు.
టీమిండియా.. ఆస్ట్రేలియాలో ఒకే సిరీస్లో 2 డే/నైట్ టెస్టులు ఆడటంపై ఏ నిర్ణయం తీసుకోలేదు. పింక్బాల్తో 2 డే/నైట్ టెస్టులు ఆడటం వీలుపడదు. ఈ విషయం గురించి పత్రికలో చదివాను. కానీ ఆస్ట్రేలియా నుంచి ఎటువంటి ప్రతిపాదన రాలేదు. ఒకవేళ వస్తే ఆలోచిస్తాం.సౌరభ్ గంగూలీ, బీసీసీఐ అధ్యక్షుడు