టీమ్ఇండియా తదుపరి ప్రధాన కోచ్ ఎవరనేదానిపై సర్వత్రా ఉత్కంఠ నెలకొంది. ప్రస్తుతం హెడ్కోచ్గా ఉన్న రవిశాస్త్రి.. పదవీకాలం ఈ ఏడాది టీ20 ప్రపంచకప్ అనంతరం ముగుస్తుంది. రాహుల్ ద్రవిడ్ ఆ పదవి చేపట్టే అవకాశం ఏమాత్రం కనిపించడం లేదు. ఈ నేపథ్యంలోనే ఓ కొత్త పేరు తెరపైకి వచ్చింది. బ్యాటింగ్ కోచ్ విక్రమ్ రాథోడ్ను ప్రధాన కోచ్ పదవి వరించే అవకాశం కనబడుతోంది.
అక్టోబరు-నవంబరులో రవిశాస్త్రి పదవీ కాలం ముగుస్తుండగా.. మరోసారి ఆ పదవి చేపట్టబోనని ఆయన ఇదివరకే సంకేతాలిచ్చినట్లు సమాచారం. కాగా, ప్రస్తుతం జాతీయ క్రికెట్ అకాడమీకి డైరెక్టర్గా ఉన్న ద్రవిడ్ పదవీ కాలం కూడా త్వరలోనే ముగియనుంది. ఈ నేపథ్యంలోనే ఆ పదవికి బీసీసీఐ ప్రకటన జారీచేయగా.. ద్రవిడ్ మరోసారి దరఖాస్తు చేసకున్నాడు. దీంతో రవిశాస్త్రి సహా కెప్టెన్ విరాట్ కోహ్లీకి సన్నిహితుడిగా పేరున్న విక్రమ్ రేసులోకి వచ్చాడు.