భారత స్టార్ షట్లర్లు కిదాంబి శ్రీకాంత్, సైనా నెహ్వాల్.. టోక్యో ఒలింపిక్స్ ఆశలు ఆవిరయ్యాయి. ఒలింపిక్స్కు ముందు బ్యాడ్మింటన్లో షెడ్యూల్కు మించి ఎలాంటి టోర్నీలు ఉండవంటూ.. ప్రపంచ బ్యాడ్మింటన్ సమాఖ్య(బీడబ్ల్యూఎఫ్) ప్రకటించింది. ఈ మెగా ఈవెంట్కు ముందు ఉన్న చివరి అర్హత టోర్నీ సింగపూర్ ఓపెన్ రద్దు కావడం వల్ల వీరిద్దరూ ఆశలు వదులుకోవాల్సి వచ్చింది.
ఒలింపిక్స్కు ముందు మరోసారి ప్రకటన విడుదల చేస్తామని బీడబ్ల్యూఎఫ్ గతంలో చెప్పింది. దీంతో ఏదైనా అవకాశం ఉంటుందని ఈ ఇద్దరూ భావించారు. కానీ, అటువంటి అర్హత టోర్నీలేమీ ఉండబోవని తాజాగా బ్యాడ్మింటన్ సమాఖ్య స్పష్టం చేసింది.
"టోక్యో ఒలింపిక్స్కు ముందు అర్హత విభాగంలో మరే టోర్నీ ఉండబోదని ప్రపంచ బ్యాడ్మింటన్ సమాఖ్య స్పష్టం చేసింది. జూన్ 15 వరకు ఇందుకు సమయం ఉన్నప్పటికీ చివరగా జరగాల్సిన మూడు టోర్నీలు కొవిడ్ కారణంగా రద్దయ్యాయి. దీంతో షట్లర్ల ర్యాంకుల్లోనూ ఎటువంటి మార్పులు జరగట్లేదు. కాబట్టి అదనపు ఆటగాళ్లకు అవకాశమేమీ లభించట్లేదు."