'వి' సినిమాలో విలన్‌గా ముద్దుగుమ్మ అదితీ!

నేచురల్ స్టార్ నాని 'వి' సినిమాకు సంబంధించిన ఓ వార్త ఆసక్తి కలిగిస్తోంది. ఇందులో ఇతడితో పాటే హీరోయిన్ అదితీ రావు హైదరీ ప్రతినాయక లక్షణాలున్న పాత్రలోనే కనిపించనుందని టాక్.

ప్రముఖ నటులు నాని, సుధీర్‌ బాబుల మల్టీస్టారర్ సినిమా 'వి'. గత నెలలో ఉగాదికి విడుదల కావాల్సినా, కరోనా వల్ల వాయిదా పడింది. ఈ వైరస్​ ప్రభావం తగ్గిన తర్వాత ప్రేక్షకుల ముందుకు తీసుకురానున్నారు. అయితే ఈ చిత్రానికి సంబంధించిన ఓ వార్త ఆసక్తి కలిగిస్తోంది. నేచురల్ స్టార్ నానితో పాటే హీరోయిన్ అదితీ.. ప్రతినాయక లక్షణాలున్న పాత్రలో కనిపించనుందని సమాచారం.

ఆ పాత్రలకే అధిక ప్రాధాన్యం

'వి'లో నెగిటివ్​ పాత్రలకే ప్రాధాన్యం ఉందని, అందుకే నాని సరసన నటించే భామకు విలనిజం పోషించే అవకాశం వచ్చిందని టాక్‌. మరి ఈ పాత్రలో అదితీ ఎలా మెప్పిస్తుందో చూడాలి. ఇందులో నివేదా థామస్ మరో కథనాయికగా నటించింది. అమిత్‌ త్రివేది సంగీతమందించాడు. మోహన్​కృష్ణ ఇంద్రగంటి దర్శకత్వం వహించాడు. దిల్‌ రాజు నిర్మాత.

ఇదీ చదవండి:విరాళాల కోసం వర్చువల్​ డేటింగ్​కు సిద్ధమైన హీరో