అగ్ర కథానాయకుడు నందమూరి బాలకృష్ణ మరోసారి మంచి మనసు చాటుకున్నారు. బసవతారకం క్యాన్సర్‌ ఆస్పత్రి వేదికగా ఎంతోమంది పేదలకు ఉచితంగా వైద్యం అందిస్తున్న ఆయన.. కరోనా నుంచి రక్షణ పొందేందుకు చర్యలు చేపట్టారు. ఇందులో భాగంగా సినీ పరిశ్రమకు చెందిన 24 విభాగాల వారికి మందులు పంపారు. ఈ విషయాన్ని దర్శకుడు వి.వి.వినాయక్ అభిమానులతో పంచుకున్నారు.
"ప్రస్తుతం అన్ని చోట్లా కరోనా మహమ్మారి విజృంభిస్తోంది. ముందు జాగ్రత్త చర్యల్లో భాగంగా బసవతారకం ఆస్పత్రి ద్వారా హోమియో మాత్రలు, విటమిన్ ట్యాబ్లెట్లను బాలకృష్ణ నాకు పంపారు. కేవలం నా ఒక్కడికి మాత్రమే కాదు. సినీ పరిశ్రమకు చెందిన 24 విభాగాల వారికి పంపిస్తున్నారు. నన్ను గుర్తుపెట్టుకుని మరీ మందులు పంపిన బాలకృష్ణకు ధన్యవాదాలు."