పండుగరోజు పంచెకట్టులో మామ- అల్లుడు

వినాయక చవితి సందర్భంగా 'వెంకీమామ' కొత్త లుక్​ను విడుదల చేసింది చిత్రబృందం. పంచెకట్టులో హీరోలిద్దరూ అలరించారు.

టాలీవుడ్​ ప్రముఖ హీరోలు విక్టరీ వెంకటేష్, నాగ చైతన్య కలిసి నటిస్తోన్న చిత్రం 'వెంకీ మామ'. శరవేగంగా షూటింగ్ జరుపుకుంటోంది. వినాయక చవితి సందర్భంగా కథానాయకులు ఇద్దరూ సంప్రదాయ పంచెకట్టులో ఉన్న లుక్​ను విడుదల చేసింది చిత్రబృందం. ఈ ఫొటో అభిమానులను ఆకట్టుకుంటోంది.

సంప్రదాయ పంచెకట్టులో వెంకటేశ్-నాగచైతన్య

చిత్రంలో చైత్యన సరనస రాశీఖన్నా, వెంకటేశ్​కు జోడిగా పాయల్ రాజ్​పుత్ నటిస్తున్నారు. బాబీ దర్శకత్వం వహిస్తున్నాడు. సురేశ్ ప్రొడక్షన్స్, పీపుల్స్ మీడియా ఫ్యాక్టరీ సంస్థలు సంయుక్తంగా నిర్మిస్తున్నాయి.

'మజిలీ' లాంటి హిట్ తరవాత చైతన్య, 'ఎఫ్2' లాంటి బ్లాక్​బస్టర్ తర్వాత వెంకీ చేస్తోన్న చిత్రం కావడం వల్ల 'వెంకీ మామ'పై ప్రేక్షకుల్లో అంచనాలు నెలకొన్నాయి.

ఇది చదవండి: మూడొందల కోట్లకు చేరువలో 'సాహో' వసూళ్లు