Ghani release date: ఆరు పలకల దేహం కోసం శ్రమించారు. విదేశాలకు వెళ్లి బాక్సింగ్‌లో తర్ఫీదు పొందారు. ఇదివరకటి కంటే భిన్నంగా సరికొత్త మేకోవర్‌తో సిద్ధమయ్యారు.. - ఇలా 'గని' కోసం యువ కథానాయకుడు వరుణ్తేజ్ కొత్త ప్రయత్నాలు చాలానే చేశారు. ఆయన బాక్సర్‌గా నటించిన చిత్రమే 'గని'. సయీ మంజ్రేకర్‌ కథానాయిక. కిరణ్‌ కొర్రపాటి దర్శకత్వం వహిస్తున్నారు. అల్లు బాబీ, సిద్ధు ముద్ద సంయుక్తంగా నిర్మిస్తున్నారు. అల్లు అరవింద్‌ సమర్పకులు.
ఈ చిత్రాన్ని ఫిబ్రవరి 18న కానీ, 24న కానీ ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారు. మొదట మార్చిలో చిత్రాన్ని విడుదల చేయాలనుకున్నారు. దీనికన్నా ముందే 'గని' ప్రేక్షకుల ముందుకు రావడం ఖాయమని తెలుస్తోంది. హీరో వరుణ్తేజ్ తన పాత్రకు సంబంధించిన డబ్బింగ్ కూడా పూర్తి చేశారు.
ప్రేమికుల రోజుని పురస్కరించుకుని ట్రైలర్‌ని విడుదల చేయనున్నట్టు తెలిసింది. ప్రొడక్షన్‌ డిజైనర్‌ రవీందర్‌ నేతృత్వంలో ప్రత్యేకంగా సెట్స్‌ని తీర్చిదిద్ది, చిత్రీకరణ చేశారు. జగపతిబాబు, సునీల్‌ శెట్టి, ఉపేంద్ర, నవీన్‌చంద్ర ఇతర కీలక పాత్రల్లో నటించిన ఈ చిత్రానికి తమన్‌ సంగీతమందించారు.
'బడవ రాస్కెల్' హంగామా