మెగాస్టార్ చిరంజీవి 'ఆచార్య' సినిమాలో నటిస్తున్నారు. దీని తర్వాత చేస్తున్న ప్రాజెక్టుల గురించి ఇటీవలే వెల్లడించారు. వాటిలో లూసిఫర్ రీమేక్తోపాటు యువ దర్శకుడు బాబీతోనూ కలిసి పనిచేయనున్నట్లు తెలిపారు. ఈ చిత్రాన్ని నిర్మించేందుకు ప్రముఖ నిర్మాణ సంస్థ మైత్రీ మూవీ మేకర్స్ ఆసక్తి కనబరుస్తుందని తెలుస్తోంది.
చిరుతో సినిమా కోసం ప్రముఖ నిర్మాణ సంస్థ ఆసక్తి?
'ఆచార్య' పూర్తయిన తర్వాత బాబీ దర్శకత్వంలో నటించనున్నారు చిరంజీవి. ఈ సినిమాను నిర్మించేందుకు టాలీవుడ్ ప్రముఖ నిర్మాణ సంస్థ మైత్రీ మూవీ మేకర్స్ ఆసక్తి చూపుతోందని సమాచారం.
చిరంజీవి
కానీ ముందస్తు ఒప్పందం ప్రకారం చిరు, మరో అగ్ర నిర్మాతతో కలిసి పనిచేసేందుకు సిద్ధమవుతున్నారట. వీటిల్లో వాస్తవాలు తెలియాలంటే కొద్దిరోజులు ఎదురు చూడాల్సిందే.
'ఆచార్య'లో చిరు సరసన కాజల్ అగర్వాల్ నటిస్తుండగా.. మణిశర్మ సంగీత దర్శకుడు. మెగాపవర్ స్టార్ రామ్ చరణ్ ప్రత్యేక పాత్రలో కనిపించనున్నారు.