'1945' నిర్మాత మోసంపై హీరో రానా ఆగ్రహం

రానా హీరోగా నటించిన చిత్రం '1945'. ఆదివారం వచ్చిన ఫస్ట్​లుక్​పై భిన్నంగా స్పందించాడీ నటుడు. గత సంవత్సరం నుంచి చిత్రబృందాన్ని కలవలేదని, తన తెలియకుండా ఈ లుక్​ విడుదల చేశారని ట్వీట్​ చేశాడు.

రానా దగ్గుబాటి హీరోగా నటిస్తోన్న చిత్రం '1945'. ఇందులో సైనికుడి పాత్రలో కనిపించనున్నాడీ కథానాయకుడు. ఈ సినిమాను కొన్నేళ్ల క్రితమే చిత్రబృందం ప్రకటించింది. దీపావళి సందర్భంగా ఫస్ట్‌లుక్‌ను ఆదివారం విడుదలైంది. అయితే తొలిరూపుపై ఓ ట్వీట్​ చేశాడు. ఇదో అసంపూర్ణమైన చిత్రమని అన్నాడు.

"ఇది ఓ అసంపూర్ణమైన చిత్రం. సినిమా రూపొందించే విషయంలో నిర్మాత విఫలమయ్యాడు. ఫలితంగా అసంపూర్ణంగానే ఉంది. సంవత్సరం నుంచి చిత్రబృందాన్ని కలవలేదు. పోస్టర్‌ను విడుదల చేయడమనేది డబ్బులు సంపాదన కోసం చేసిన మోసపూరిత ఆలోచనలా అనిపిస్తోంది. దయచేసి ఇలాంటి వాటిని ప్రోత్సహించకండి" -రానా, కథానాయకుడు

రానా ట్వీట్‌పై నిర్మాత రాజరాజన్‌ స్పందించారు. "సినిమా పూర్తయ్యిందా, లేదా అనేది దర్శకుడు నిర్ణయిస్తాడు. 60 రోజుల షూటింగ్‌ కోసం కొన్ని కోట్ల రూపాయలను ఖర్చు చేశాను. అసంపూర్ణమైన చిత్రాన్ని ఎవరూ విడుదల చేయరు" అని ఆయన చెప్పారు.

ఇవీ చూడండి.. క్రిష్​తో పవన్ సినిమా.. కథేంటంటే..!