సామాజిక అంశాలే ప్రధానంగా తాప్సీ కొత్త చిత్రం

హీరోయిన్​ తాప్సీ తాజాగా నటించిన చిత్రం 'తప్పడ్​' విడుదలకు సిద్ధంగా ఉంది. ఈ సందర్భంగా సినిమా గురించి పలు అంశాలు చెప్పుకొచ్చిందీ అందాల భామ.

బాలీవుడ్​ హిట్​ సినిమా 'పింక్​' మాదిరిగా 'తప్పడ్​' నిలిచిపోతుందని హీరోయిన్​ తాప్సీ అభిప్రాయపడింది. ఆమె నటించిన 'తప్పడ్'​ చిత్రం ఫిబ్రవరి 28న ప్రేక్షకుల ముందుకు రానుంది. ఈ సందర్భంగా ఆమె సినిమా గురించి పలు అంశాలను పంచుకుంది.

''తప్పడ్​' సినిమా సామాజిక అంశాలతో తెరకెక్కింది. దర్శకుడు అనుభవ్​తో పనిచేయటం చాలా ఆనందంగా ఉంది. అతని నుంచి ఎంతో నేర్చుకున్నా. ఈ కథ చెప్పినప్పుడే నటించటానికి అంగీకరించాను. మన సమాజంలో తప్పక పరిష్కరించాల్సిన ఒక అంశంతో ఈ సినిమా రూపొందింది. పింక్​ చిత్రంలా 'తప్పడ్'​ అందరిని ఆకట్టుకుంటోందని ఆశిస్తున్నా."
- తాప్సీ, బాలీవుడ్​ నటి

ఈ చిత్రంలో రత్న పతాక్​షా, మనవ్​ కౌల్​​, దియా మిర్జా, తన్వీ అజ్మీ, రామ్​ కపూర్​ ప్రధాన పాత్రల్లో నటించారు.

ఇదీ చూడండి...ట్రైలర్​: 'జాను' కోసం శర్వానంద్​ ఎదురుచూపులు..!