తమన్ సంగీతానికి 'తకిట తకిట' అనాల్సిందే..!

సాయి ధరమ్​ తేజ్, రాశి ఖన్నా ప్రధాన పాత్రల్లో నటించిన చిత్రం 'ప్రతిరోజూ పండగే'. ఈ సినిమాలోని 'తకిట తకిట' అనే పాటను విడుదల చేసింది చిత్రబృందం.

మెగా మేనల్లుడు సాయిధరమ్​ తేజ్‌, రాశీఖన్నా జంటగా నటిస్తోన్న చిత్రం 'ప్రతిరోజూ పండగే'. మారుతి దర్శకుడు. జీఏ2 సంస్థ నిర్మిస్తోంది. బన్నీ వాస్‌ నిర్మాత. తాజాగా ఈ సినిమాలోని మూడో పాటను విడుదల చేసింది చిత్రబృందం.

'తకిట తకిట' అంటూ సాగే ఈ పాటను బిగ్​బాస్ 3 విన్నర్ రాహుల్ సిప్లిగంజ్, గీతా మాధురి ఆలపించారు. తమన్ సంగీతం అందించాడు. కాసర్ల శ్యామ్​ సాహిత్యం ఆకట్టుకునేలా ఉంది. డిసెంబరు 20న ప్రేక్షకుల ముందుకు రానున్న ఈ సినిమా ప్రస్తుతం నిర్మాణాంతర కార్యక్రమాలు జరుపుకొంటోంది.

ఇవీ చూడండి.. 'క్షీరసాగర మథనం' విలన్​ను పరిచయం చేసిన అడవి శేషు