సినీ ప్రముఖుల వద్ద రూ.300 కోట్ల అక్రమ నగదు

తమిళనాడులో సినీ ప్రముఖుల ఇళ్లపై జరుగుతున్న ఐటీ దాడుల్లో సుమారు రూ.300 కోట్ల మేర నగదు లభ్యమైంది. హీరో విజయ్​కు సంబంధించిన ఆస్తులపై ఇంకా సోదాలు కొనసాగుతున్నాయి.

తమిళనాడులోని హీరో విజయ్​తో పాటు పలువురు సినీ ప్రముఖుల ఇళ్లపై ఆదాయపన్ను శాఖ అధికారుల దాడులు ఇంకా కొనసాగుతున్నాయి. రాష్ట్రవ్యాప్తంగా 38 చోట్ల ఈ సోదాలు నిర్వహించారు. ఇప్పటివరకు మొత్తంగా దాదాపు రూ.300 కోట్ల అక్రమ నగదును స్వాధీనం చేసుకున్నామని, ఐటీ అధికారులు గురువారం వెల్లడించారు.

హీరో విజయ్ ఆదాయం, ఆస్తులు, రెమ్యూనరేషన్​, 'బిగిల్'​ నిర్మాణంలో అతడికున్న సంబంధం తదితర అంశాలపై ఇతడిని ప్రశ్నించారు ఐటీ అధికారులు. విజయ్​ 'బిగిల్'​ సినిమాకు ఫైనాన్స్​ చేసిన అన్బు చెళియన్​, అతడి స్నేహితుల నుంచి రూ.65 కోట్లు సీజ్​ చేశారు అధికారులు.