పలుచోట్ల చిక్కుకుపోయిన వలసకూలీలను వారి స్వస్థలాలకు పంపిస్తున్నారు నటుడు సోనూసూద్. ఈ క్రమంలోనే కొందరు వ్యక్తులు తన పేరు చెప్పి, డబ్బులు వసూలు చేస్తున్నారని కూలీలను హెచ్చరించారు సోనూ. ఇలాంటి సంఘటనలు ఏమైనా దృష్టికి వస్తే, తనకు తెలియాజేయాలని ట్విట్టర్ వేదికగా విజ్ఞప్తి చేశారు. నకిలీలకు సంబంధించిన వాట్సాప్ స్క్రీన్షాట్స్ను పంచుకున్నారు.
"మేం వలస కూలీలకు ఉచితంగానే సేవ చేస్తున్నాం. ఈ విషయంలో ఎవరైనా మీకు డబ్బులు అడిగితే, వెంటనే తిరస్కరించండి. ఆ తర్వాత మాకు లేదంటే సమీప పోలీస్ స్టేషన్లో ఫిర్యాదు చేయండి" -సోనూసూద్, నటుడు