'ఇంత కంత్రీ పిల్లకు ఆ పేరు ఎందుకో...'

బెల్లంకొండ శ్రీనివాస్​, కాజల్​ అగర్వాల్​ జంటగా నటించిన చిత్రం 'సీత'. ఈ సినిమా టీజర్​ను చిత్రబృందం విడుదల చేసింది.

టాలీవుడ్​ హీరో బెల్లంకొండ శ్రీనివాస్, కాజల్​... రెండోసారి జంటగా నటించిన చిత్రం సీత. తేజ దర్శకత్వం వహిస్తున్న ఈ చిత్రానికి అనూప్​ రూబెన్స్​ సంగీతం సమకూర్చారు. తాజాగా విడుదలైన టీజర్​ ఆకట్టుకుంటోంది.

'నువ్వు సీతవి కాదు సూర్పణకవి'....'ఇంత కంత్రీ పిల్లకు ఆ పేరు పెట్టారేంటని అనుకున్నాను..పక్కనే శ్రీరాముడు ఉన్నాడు' అనే డైలాగ్​లు సినిమాపై ఆసక్తిని పెంచుతున్నాయి. ఏప్రిల్​లో విడుదలకు సిద్దమౌతోందీ చిత్రం.

ఇతర పాత్రల్లో తనికెళ్ల భరణి, సోనూసూద్​ నటిస్తున్నారు. పాయల్​ రాజ్​పుత్​ ఓ ప్రత్యేక గీతంలో నర్తించనుంది.