గుర్రంతో పాటు ఆకులు తిన్న హీరో సల్మాన్​ఖాన్

ప్రముఖ కథానాయకుడు సల్మాన్​ఖాన్.. గుర్రంతో పాటు తానూ ఆకుకూరలు తింటూ కనిపించాడు. ఈ వీడియోను ఇన్​స్టాలో పంచుకున్నాడు.

బాలీవుడ్ హీరో సల్మాన్​ఖాన్.. అభిమానులను ఆశ్చర్యానికి గురిచేశాడు. లాక్​డౌన్ కారణంగా ప్రస్తుతం ఫౌంహౌస్​కే పరిమితమన భాయ్.. ఇటీవల కాలంలో పలు పోస్ట్​లు పెడుతూ అలరిస్తున్నాడు. తాజాగా పంచుకున్న​ ఓ వీడియోలో తన పెంపుడు గుర్రానికి ఆకుకూరలు పెడుతూ, తాను వాటిని తిన్నాడు. దీనిపై నెటిజన్లు తెగ కామెంట్లు చేస్తున్నారు. ఇప్పుడిది సోషల్ మీడియాలో వైరల్​గా మారింది.

'పోరాట సమయాల్లో ఆరోగ్యకరమైన అల్పాహారం' అని ఓ నెటిజన్ రాయగా, 'మంచి డిటాక్సినేషన్ ఫుడ్' అంటూ మరొకరు రాసుకొచ్చారు. ఈరోజు అందమైన వీడియో ఇదేనంటూ కొందరు కామెంట్​ చేశారు.