పవర్స్టార్ పవన్కల్యాణ్ పుట్టినరోజు(సెప్టెంబరు 2)న అభిమానులకు ట్రీట్ ఇచ్చేందుకు సిద్ధమైంది 'భీమ్లా నాయక్' చిత్రబృందం. గురువారం ఉదయం 11:16 గంటలకు టైటిల్ సాంగ్ను రిలీజ్ చేయనున్నట్లు ప్రకటించింది.
మల్టీస్టారర్గా తెరకెక్కుతున్న ఈ చిత్రంలో భీమ్లా నాయక్(Bheemla Nayak) పాత్రలో పవన్.. డానియల్ శేఖర్గా రానా నటిస్తున్నారు. ఇటీవలే పవన్ పాత్రకు సంబంధించిన గ్లింప్స్ను చిత్రబృందం విడుదల చేయగా.. అభిమానుల నుంచి విశేషాదరణ లభించింది. ఈ మూవీకి సాగర్‌ కె.చంద్ర దర్శకత్వం వహిస్తుండగా.. ఎస్ఎస్ తమన్ స్వరాలను సమకూరుస్తున్నారు.
ట్రైలర్ రిలీజ్
గోపీచంద్ కథనాయకుడిగా తెరకెక్కిన చిత్రం 'సీటీమార్'(seetimaarr release date). కబడ్డీ నేపథ్యంలో సాగే ఈ చిత్రంలో కథానాయికగా తమన్నా నటిస్తోంది. ఈ చిత్ర ట్రైలర్ను సెప్టెంబరు 1న మధ్యాహ్నం 2:53గంటలకు విడుదల చేయనున్నట్లు ప్రకటించింది చిత్రబృందం. వినాయక చవితి పురస్కరించుకుని సెప్టెంబరు 10న థియేటర్లలలో విడుదల కానుందీ మూవీ.
హీరోయిన్గా అనుపమ
నిఖిల్ హీరోగా తెరకెక్కుతున్న 'కార్తికేయ 2' సినిమాలో హీరోయిన్గా అనుపమా పరమేశ్వరన్ నటిస్తున్నట్లు అధికారికంగా ప్రకటించారు. దీనికి సంబంధించి ఓ స్పెషల్ వీడియోను రిలీజ్ చేశారు.
గతంలో 'కార్తికేయ' సినిమాకు మంచి ఆదరణ వచ్చింది. దానికి సీక్వెల్‌గా 'కార్తికేయ 2'ను తెరకెక్కిస్తున్నారు. పీపుల్స్‌ మీడియా ఫ్యాక్టరీ, అభిషేక్ అగర్వాల్‌ ఆర్ట్స్‌ సంయుక్తంగా తెరకెక్కిస్తున్న ఈ సినిమాకు టీజీ విశ్వప్రసాద్‌, అభిషేక్ అగర్వాల్‌ నిర్మాతలు. కాలభైరవ సంగీతం అందిస్తున్నాడు. ప్రముఖ బాలీవుడ్‌ నటుడు అనుపమ్‌ ఖేర్‌ ఒక కీలక పాత్రలో కనిపించనున్నాడు.