పవర్స్టార్ పవన్కల్యాణ్ మరోసారి తన అభిమానులను ఫిదా చేయనున్నారు. తన కొత్త చిత్రం కోసం ఆయన గాయకుడిగా అవతారమెత్తనున్నారు. పవన్ కథానాయకుడిగా 'అయ్యప్పనుమ్ కోషియుమ్' రీమేక్ తెరకెక్కుతోంది. సాగర్‌ కె.చంద్ర దర్శకత్వం వహిస్తున్న ఈ సినిమా కోసం పవన్ కల్యాణ్ ఓ పాటపాడనున్నారని ప్రముఖ సంగీత దర్శకుడు తమన్ స్పష్టం చేశారు.
"పవన్ కల్యాణ్‌కు సంగీతం అంటే ఎంతో ఇష్టం. ఆయన సినిమాలకు సంగీతం అందించాలని ఎప్పటి నుంచో నాకు ఓ కోరిక ఉంది. 'వకీల్‌సాబ్‌'తో నా కల నెరవేరింది. అలాగే 'అయ్యప్పనుమ్ కోషియం' రీమేక్‌కు కూడా సంగీతం అందిస్తున్నాను. అందుకు నాకెంతో ఆనందంగా ఉంది. ఈ రీమేక్ కోసం పవన్ ఓ పాట పాడనున్నారు. త్రివిక్రమ్‌ శ్రీనివాస్‌ వల్లే 'వకీల్‌సాబ్‌', 'అయ్యప్పనుమ్ కోషియుమ్' ప్రాజెక్ట్‌లలో నేను భాగమయ్యాను."