లాక్డౌన్ తర్వాత థియేటర్లు తెలుగు రాష్ట్రాల్లో థియేటర్లు తెరుచుకోవడం వల్ల ప్రతి వారం సినిమాలు వచ్చేస్తున్నాయి. ఈసారి కూడా అలా కొన్ని చిత్రాలు వచ్చేస్తుండగా, ఓటీటీలోనూ కొత్త సినిమాలు/వెబ్ సిరీస్ సందడి చేసేందుకు సిద్ధమయ్యాయి. వాటి గురించే ఈ కథనం.
రెండు థియేటర్లో.. ఒకటి ఓటీటీలో
తెలుగులో శుక్రవారం మొత్తంగా మూడు సినిమాలు అభిమానుల్ని కనువిందు చేయనున్నాయి. అందులో ప్రేమకథతో తెరకెక్కిన 'డియర్ మేఘ', విభిన్న కథాంశంతో రూపొందిన 'నూటొక్క జిల్లాల అందగాడు' వెండితెరపై ఆకట్టుకునేందుకు రెడీగా ఉన్నాయి. మరోవైపు గతనెలలో థియేటర్లలో విడుదలైన విశ్వక్సేన్ 'పాగల్'.. శుక్రవారం నుంచే అమెజాన్ ప్రైమ్ వీడియోలో స్ట్రీమింగ్ అవుతుంది.