మాటల మాంత్రికుడు త్రివిక్రమ్ దర్శకత్వంలో ప్రిన్స్ మహేశ్బాబు మరోసారి పనిచేస్తున్నాడు. అయితే ఇది సినిమా కోసం కాదు ఓ ప్రకటన కోసం. మహేశ్ ప్రచారకర్తగా వ్యవహరిస్తోన్న ఓ ఆన్‌లైన్‌ ట్రావెల్‌ పోర్టల్‌కు సంబంధించిన షూటింగ్ జరుగుతోంది. ఈ ప్రకటనను త్రివిక్రమ్ డైరక్ట్‌ చేస్తున్నాడు. ఈ నేపథ్యంలో త్రివిక్రమ్తో కలిసి దిగిన ఫొటోను మహేశ్ సోషల్‌ మీడియాలో పోస్ట్‌ చేశాడు.
'ఆయనతో పనిచేయడం నాకెప్పుడూ ఇష్టమే' - త్రివిక్రమ్
టాలీవుడ్ సూపర్స్టార్ మహేశ్బాబు మరోసారి త్రివిక్రమ్తో కలిసి పనిచేస్తున్నారు. వీరిద్దరూ కలిసిన ఉన్న ఫొటోను మహేశ్ సామాజిక మాధ్యమాల్లో పంచుకున్నారు.
'ఆయనతో పనిచేయడం నాకెప్పుడూ ఇష్టమే'
‘నా ఫేవరేట్‌తో మరోసారి. ఆయనతో కలిసి పనిచేస్తే కలిగే అనుభూతి నాకెప్పుడూ నచ్చుతుంది’ అంటూ ప్రిన్స్ మహేశ్ ట్వీట్ చేశాడు.
ప్రస్తుతం మహేశ్.. ‘మహర్షి’ సినిమా చిత్రీకరణలో బిజీగా ఉన్నాడు. వంశీ పైడిపల్లి దర్శకత్వం వహిస్తున్న ఈ చిత్రంలో పూజా హెగ్డే కథానాయిక. ‘అల్లరి’ నరేశ్‌ కీలక పాత్ర పోషిస్తున్నాడు. త్వరలో త్రివిక్రమ్.. అల్లు అర్జున్‌తో ఓ సినిమాను తెరకెక్కించనున్నాడు. ఏప్రిల్ 24 నుంచి రెగ్యులర్‌ షూటింగ్ ప్రారంభం కానుంది. గతంలో మహేశ్, త్రివిక్రమ్ కాంబినేషన్లో వచ్చిన అతడు, ఖలేజా చిత్రాలు ప్రేక్షకులను ఆకట్టుకున్నాయి.