తప్పు పోస్ట్‌ పెట్టి.. క్షమాపణ చెప్పి..!

ప్రముఖ తమిళ నటి ఖుష్బూ సామాజిక మాధ్యమం ట్విట్టర్‌లో తప్పుగా ఓ పోస్ట్‌ పెట్టి విమర్శలు ఎదుర్కొంది. తర్వాత విషయం తెలుసుకుని సరిదిద్దుకుంది.

సామాజిక మాధ్యమాల్లో తరచుగా పోస్టులు పెడుతూ అభిమానులతో టచ్​లో ఉంటోంది సీనియర్ నటి ఖుష్బూ. ఎప్పటిలాగే ట్విట్టర్​లో ఓ పోస్ట్ పెట్టగా అది కాస్త తప్పని తెలిసి సరిదిద్దుకోవాల్సి వచ్చింది.

ఇంతకీ ఏమైందంటే.. ఖుష్బూ లండన్‌లో షాషింగ్‌ చేస్తున్న సమయంలో ఆమెకు మొబైల్‌ కవర్‌పై తమీమ్‌ ఫొటో కనిపించిందట. ఆ విషయాన్ని "లండన్‌ ఆక్స్‌ఫర్డ్‌ స్ట్రీట్‌లోని ఓ షాపింగ్‌ మాల్‌లో నాకు ఏం కనిపించిందో చూడండి.. మన సూపర్‌ స్టార్‌ రజనీకాంత్‌" అని రజనీ కుమార్తె సౌందర్యను ట్యాగ్‌ చేసింది.

అయితే వాస్తవానికి అది రజనీ ఫొటో కాదు. రజనీ పోలికతో ఉన్న తమీమ్‌ది. ఈ కారణంగా ఆమెపై నెటిజన్లు విరుచుకుపడ్డారు. "తమీమ్‌కు తలైవాకు తేడా తెలియదా" అంటూ కామెంట్స్‌ పెట్టారు. పొరపాటు గుర్తించిన ఖుష్బూ క్షమాపణ చెప్పింది. తప్పని చెప్పి నన్ను సరిదిద్దిన వారికి కృతజ్ఞతలు అంటూ చెప్పుకొచ్చింది. ఫలితంగా ఆమె ప్రవర్తనపై ప్రశంసల జల్లు కురిపిస్తున్నారు నెటిజన్లు.

ఇవీ చూడండి.. నాకు తొమ్మిదిసార్లు పెళ్లి చేశారు: అల్లరి నరేశ్