'సీత' సినిమాలో కాజల్​ ఫైట్​లు చూడండి..

టాలీవుడ్​ హీరో బెల్లంకొండ శ్రీనివాస్​, కాజల్‌ అగర్వాల్‌ కలిసి నటించిన చిత్రం సీత. తేజ దర్శకత్వం వహించిన ఈ సినిమా మేకింగ్‌ వీడియోను తాజాగా చిత్రబృందం విడుదల చేసింది. ఈ సినిమాలో కాజల్​ ఫైట్లు చేస్తూ కనిపించింది.

కాజల్‌ అగర్వాల్‌ టైటిల్‌ పాత్రలో నటించిన చిత్రం ‘సీత’. బెల్లంకొండ శ్రీనివాస్‌ కథానాయకుడు. మన్నారా చోప్రా కీలక పాత్రలో కనిపించనుంది. ఈ సినిమాలో విభిన్న షేడ్స్​లో సీత పాత్రను తెరకెక్కించారు దర్శకుడు తేజ. తాజాగా విడుదల చేసిన మేకింగ్​ వీడియోలో తేజ, శ్రీనివాస్‌, కాజల్‌, సోనూసూద్‌ కలిసి జోకులేసుకుంటూ, నవ్వుకుంటూ కనిపించారు. ఫైట్‌ మాస్టర్‌ కాలికి దెబ్బతగిలినప్పుడు చిత్రబృందం 'అయ్యో అయ్యో' అంటూ బాధపడటం, అప్పుడు మాస్టర్‌ ‘ఆపండి’ అని అరవడం ఫన్నీగా ఉన్నాయి. కాజల్​కు ఫైట్లు నేర్పిస్తున్న సన్నివేశాలు ఆకట్టుకుంటున్నాయి. అనూప్‌ రూబెన్స్‌ ఈ సినిమాకు సంగీత దర్శకుడు. ఎ.కె.ఎంట‌ర్‌టైన్‌మెంట్స్ బ్యాన‌ర్‌పై రామ‌బ్ర‌హ్మం సుంక‌ర ఈ చిత్రాన్ని నిర్మించారు. శుక్రవారం ఈ చిత్రం ప్రేక్షకుల ముందుకు రానుంది.