మోదీ బయోపిక్​ టీంకు జావెద్ అక్తర్ షాక్

'పీఎమ్ నరేంద్రమోదీ' బయోపిక్​లో బాలీవుడ్ రచయిత జావేద్ అక్తర్ పాటలు రాసినట్టు పోస్టర్​పై ఆయన పేరును ప్రచురించింది చిత్రబృందం. తను మాత్రం ఈ సినిమాలో పాటలు రాయలేదని జావేద్ ట్విట్టర్​లో స్పందించారు.

ప్రధానమంత్రి నరేంద్రమోదీ జీవితం ఆధారంగా తెరకెక్కిన చిత్రం 'పీఎమ్ నరేంద్రమోదీ'. ఈ సినిమాలో ప్రఖ్యాత హిందీ సినీ రచయిత జావేద్ అక్తర్ పాటలు రాశారని, ఆయన పేరును పోస్టర్​లో ప్రచురించింది చిత్రబృందం. దీనిపై జావేద్ అక్తర్ స్పందించారు. ఈ చిత్రంలో పాటలు రాయలేదని ట్వీట్ చేశారు జావేద్.

"నేను అసలు ఈ చిత్రంలో పాటలు రాయలేదు. నా పేరు పోస్టర్​పై వేయడం ఆశ్చర్యంగా ఉంది" -జావేద్ అక్తర్, బాలీవుడ్ రచయిత

ప్రస్తుతం ఈ ట్వీట్​పై నెటిజన్లు విశేషంగా స్పందిస్తున్నారు. జావేద్ అక్తర్ పేరు వాడుకోవడాన్ని తప్పుబడుతున్నారు. 'పీఎమ్ నరేంద్ర మోదీ' చిత్రంలో వివేక్ ఒబెరాయ్ మోదీ పాత్రను పోషిస్తున్నాడు. ఒమంగ్ కుమార్ దర్శకత్వం వహిస్తున్న ఈ చిత్రం ఏప్రిల్ 5న ప్రేక్షకుల ముందుకు రానుంది.