బాలీవుడ్ క్వీన్‌ కంగనా రనౌత్.. తాప్సీల మధ్య కొంత కాలంగా మాటల యుద్ధం కొనసాగుతోంది. ముఖ్యంగా బంధుప్రీతి విషయంలో వీరిద్దరి ఆలోచనలు, భావాలు వేరుగా ఉన్నాయి. దీంతో కంగన ఓ కామెంట్‌ చేస్తే.. దానికి తాప్సీ పరోక్షంగా మరో కామెంట్‌ చేస్తూ వస్తోంది. ఓ ఇంటర్వ్యూలో కంగన మాట్లాడుతూ.. సినీ నేపథ్యం లేకున్నా బాలీవుడ్లో రాణిస్తున్న తాప్సీ, స్వర భాస్కర్ను బీ-గ్రేడ్ హీరోయిన్లుగా అభివర్ణించింది. ఆలియా భట్‌, అనన్య పాండే కన్నా మంచి నటులైన తాప్సీ, స్వర భాస్కర్ ఎందుకు ఫేమస్‌ కాలేకపోతున్నారని ప్రశ్నించింది. కంగన చేసిన వ్యాఖ్యలపై తాప్సీ ట్విట్టర్ వేదికగా స్పందించింది. సినీ పరిశ్రమలో గ్రేడ్ల విధానం వాస్తవమేనా అని సందేహం వ్యక్తం చేసింది.
"ఇటీవల పది, పన్నెండో తరగతి పరీక్షల ఫలితాలు వచ్చిన తర్వాత మా ఫలితాలు కూడా వచ్చాయని విన్నా. ఇప్పుడు గ్రేడ్ల విధానం అధికారికంగా మారిందా? ఇప్పటి వరకు నెంబర్‌ విధానంలోనే వ్యక్తుల విలువ లెక్కగట్టేవారు కదా?"