ప్రతిష్ఠాత్మకమైన ఆస్కార్ అవార్డులను ఎనిమిదింటిని గెలుచుకుని, వాణిజ్యపరంగానూ విజయవంతమైన సినిమా 'ఫ్రమ్‌ హియర్‌ టు ఎటర్నిటీ' (1953). అమెరికాకు చెందిన పెర్ల్‌హార్బర్‌పై జపాన్‌ వైమానిక దాడి సంఘటన నేపథ్యంలో తెరకెక్కిన ఓ సైనికుడి కథ ఇది.
అమెరికా రచయిత జేమ్స్‌ జోన్స్‌ రాసిన నవల ఆధారంగా తీసిన ఈ సినిమా ఓ గొప్ప భావోద్వేగ భరితమైన చిత్రంగా పేరు తెచ్చుకుంది. అప్పట్లో దాదాపు 2.5 మిలియన్‌ డాలర్ల వ్యయంతో చిత్రీకరించిన ఈ సినిమా ప్రపంచ వ్యాప్తంగా 30.5 మిలియన్‌ డాలర్లు వసూలు చేసింది.