ఫిట్​నెస్​ ట్రైనర్​గా దీపికా పదుకొణె

తన కొత్త సినిమాలో సరికొత్తగా కనిపించేందుకు దీపికా పదుకొణె సిద్ధమవుతోంది. అనన్యకు అక్కగా నటించడం సహా వ్యాయామ శిక్షకురాలిగానూ సందడి చేయనుంది.

దీపికా పదుకొణె ఫిట్​నెస్ విషయంలో చాలా జాగ్రత్తగా ఉంటుంది. నిత్యం వర్కౌట్లు చేస్తూ శారీరక ఆరోగ్యాన్ని కాపాడుకుంటుంది. ఫిట్​నెస్​పై ఎంతో శ్రద్ధ కనబరిచే దీపిక.. వ్యాయమ శిక్షకురాలిగా తెరపై కనిపిస్తే పాత్రకు న్యాయం చేసినట్టే అవుతుందనే అంటున్నాయి బాలీవుడ్ వర్గాలు.

శకున్ బత్రా దర్శకత్వంలో ఆమె ఓ చిత్రంలో నటిస్తోంది. సిద్ధాంత్ చతుర్వేది, అనన్యాపాండే ఇతర పాత్రల్లో నటిస్తున్నారు. "ఫిట్​నెస్​పై శ్రద్ధ కనపరిచే అమ్మాయిగా, ఓ ఫిట్​నెస్ ఇన్​స్ట్రక్టర్​గా నటిస్తోంది" అని చిత్ర వర్గాలు చెప్పినట్టు తెలుస్తోంది. ఈ చిత్రంలో దీపిక, అనన్య అక్కాచెల్లెళ్లుగా నటిస్తున్నారట.