'అల వైకుంఠపురములో' సినిమాలోని 'బుట్టబొమ్మ' పాట, మరో మైలురాయిని అందుకుంది. మంగళవారం 450 మిలియన్ల మార్క్ను అధిగమించింది. ఈ నేపథ్యంలో ఆసీస్ క్రికెటర్ వార్నర్.. వెల్డన్ అల్లు అర్జున్ అని ఇన్స్టాలో పోస్ట్ పెట్టాడు.
వార్నర్కు 'బుట్టబొమ్మ'తో ఏంటి సంబంధం?
లాక్డౌన్లో ఆటలన్నీ నిలిచిపోవడం వల్ల క్రికెటర్లందరూ ఇంటికే పరిమితమయ్యారు. దీంతో ఆ సమయంలో టిక్టాక్లు చేస్తూ అభిమానులకు దగ్గరయ్యాడు వార్నర్. ఈ క్రమంలోనే 'బుట్టబొమ్మ', 'మైండ్బ్లాక్' లాంటి తెలుగు పాటలకు డ్యాన్స్ వేసి టాలీవుడ్ ఫ్యాన్స్ కూడా చేరువయ్యాడు. ఇటీవల ఐపీఎల్లో తమ జట్టు ఫైనల్కు వెళ్తే 'బుట్టబొమ్మ' స్టెప్పు వేస్తానని వార్నర్ ఓ నెటిజన్ కామెంట్కు రిప్లై ఇచ్చాడు. కానీ హైదరాబాద్ జట్టు క్వాలిఫయర్-2లో ఓడి ఇంటిముఖం పట్టింది. దీంతో వార్నర్ అభిమానులు నిరాశ చెందారు.
అయితే ఈ మధ్య అభిమానులతో చేసిన చాటింగ్లో ఆసక్తికర విషయం పంచుకున్నాడు వార్నర్. వచ్చే ఏడాది ఐపీఎల్లో కచ్చితంగా 'బుట్టబొమ్మ' గీతానికి డ్యాన్స్ వేస్తానని తెలిపాడు.
ఇది చదవండి:సన్రైజర్స్ విజయం సాధిస్తే 'బుట్టబొమ్మ'కు డ్యాన్స్ చేస్తా
