స్టార్ హోదా సంపాదించుకున్నవారు కూడా ప్రారంభంలో అనేక చిన్న చిన్న పాత్రల్లో నటించే ఆ స్థాయికి చేరుకుంటారు. ముఖ్యంగా ప్రకటనల్లో నటించి మంచి మార్కులు సంపాదించేకునే వారు అధికమే. దీపికా పదుకొణె నుంచి షారుక్ ఖాన్ వరకు అగ్ర నటులందరూ సినిమాల్లోకి రాకముందు పలు ప్రకటనల్లో నటించారు. మరి బాలీవుడ్లో ఎంతో మంది అభిమానుల్ని సొంతం చేసుకున్న ఈ ప్రముఖులు కనిపించిన ప్రకటనలు ఏవో తెలుసా..
క్లోజ్అప్లో దీపికా పదుకొణె
దీపికా పదుకొణె బాలీవుడ్లో దూసుకుపోతున్న నటి. ఈ ముద్దుగుమ్మ సినిమాల్లోకి రాకముందు క్లోజ్అప్ ప్రకటనలో కనిపించింది. ఎంతో ఫన్నీగా ఉండే ఈ ప్రకటనలో అలరించి 'ఓం శాంతి ఓం'లో ఛాన్స్ కొట్టేసిందీ భామ. ప్రస్తుతం దీపికా భర్త రణవీర్ ఈ క్లోజ్ అప్ ప్రకటనలో కనువిందు చేస్తున్నాడు.
సెబోలిన్లో అనుష్క శర్మ
'రబ్ నే బనాదీ జోడీ'లో షారుక్ ఖాన్ సరసన నటించింది అనుష్క శర్మ. అయితే దీని కంటే ముందు ఓ వాణిజ్య ప్రకటనలో కనిపించిందీ ముద్దుగుమ్మ. సెబోలిన్ అనే ఓ సబ్బు యాడ్లో నటించి సినిమాల్లో అవకాశం కొట్టేసింది.
సింథాల్తో షారుక్- గౌరీ ఖాన్
షారుక్ ఖాన్, గౌరీ ఖాన్ కలిసి చాలా ప్రకటనలు చేశారు. వీరిద్దరూ కలిసి సింథాల్ సబ్బు ప్రకటనలోనూ నటించారు. ఈ యాడ్తో ఈ జంట ఎన్నో సినిమా అవకాశాలు దక్కించుకున్నారు.
లిమ్కాతో సల్మాన్ ఖాన్
ప్రస్తుతం ఎంతో మంది అభిమానుల్ని సొంతం చేసుకున్న కండల వీరుడు సల్మాన్ ఖాన్ లిమ్కా ప్రకటనలో మొదటి సారి నటించాడు.
ఫెవికాల్తో కత్రినా కైఫ్
బాలీవుడ్లో ఓ ప్రత్యేక ఇమేజ్ సొంతం చేసుకున్న కత్రినా కైఫ్ మొదట కనిపించింది ఫెవికాల్ ప్రకటనలో. నవ్వులు పండించే ఈ యాడ్ కత్రినాకు ఎంతో పేరు తీసుకొచ్చింది.
పర్క్ చాక్లెట్తో ప్రీతీ జింతా
చదువు పూర్తి చేసుకున్న వెంటనే ప్రీతీ జింతా మోడలింగ్లోకి అడుగుపెట్టింది. మొదటి సారిగా ఈ ముద్దుగుమ్మ పర్క్ చాక్లెట్ ప్రకటనలో కనిపించింది. దీని తర్వాత ఈ నటి లిరిల్ సబ్బు యాడ్లో నటించింది.
సర్ఫ్ యాడ్తో విద్యాబాలన్