హాలీవుడ్ స్టార్ డైరెక్టర్ జేమ్స్ కామెరూన్ తీసిన అద్భుత దృశ్యకావ్యం 'అవతార్'. 2009లో వచ్చిన ఈ సినిమా.. ప్రపంచ వ్యాప్తంగా అత్యధిక వసూళ్లు రాబట్టింది(అవెంజర్స్: ఎండ్గేమ్ విడుదల ముందువరకూ). కొనసాగింపుగా 'అవతార్ 2', 'అవతార్ 3', 'అవతార్ 4', 'అవతార్ 5' రూపొందుతున్నాయి. వీటికి సంబంధించిన కొత్త ఫొటోలను ట్విట్టర్లో మంగళవారం పంచుకుంది చిత్రబృందం. సరికొత్త 'పండోరా' గ్రహం ఇదేనంటూ చెప్పింది.
సరికొత్తగా 'అవతార్' అద్భుత ప్రపంచం
హాలీవుడ్ అద్భుత చిత్రం 'అవతార్' స్వీక్వెల్స్కు సంబంధించిన కొన్ని ఫొటోలను చిత్రబృందం ట్విట్టర్లో పంచుకుంది. ఇవి చూసిన అభిమానులు తెగ మురిసిపోతున్నారు.
సరికొత్తగా 'అవతార్' అద్భుత ప్రపంచం
"అవతార్' స్వీకెల్స్లో మీరు పండోరా గ్రహాన్ని చూడలేరు. సరికొత్త ప్రపంచాన్ని చూడబోతున్నారు. రాబోయే 'అవతార్' ప్రపంచం కాన్సెప్ట్ ఆర్ట్ ఫొటోలు మీకోసం" -ట్విట్టర్లో అవతార్ యూనిట్
'అవతార్ 2', 'అవతార్ 3'... ప్రస్తుతం నిర్మాణ దశలో ఉన్నాయి. వరుసగా వచ్చే డిసెంబరు 18, 2023 డిసెంబరు 22న ప్రేక్షకుల ముందుకు రానున్నాయి. ఇవి విజయవంతమైతే మిగిలిన రెండు భాగాల్ని పూర్తి చేస్తానని కామెరూన్ ప్రకటించాడు. ఈ సీక్వెల్స్ బడ్జెట్ ఒక బిలియన్ డాలర కన్నా ఎక్కువ. ఇందులో శామ్ వర్తింగ్టన్, జోయా సల్డానా, కేట్ విన్స్లెట్, జోయల్ డేవిడ్ మోర్ తదితరులు కీలక పాత్రలు పోషిస్తున్నారు.