అల్లు అర్జున్ కెరియర్లో 'ఆర్య' మైలురాయిగా నిలిచిపోయింది. ఈ సినిమా విడుదలై 15 ఏళ్లు గడిచింది. ఈ సందర్భంగా స్టైలిష్ స్టార్ అభిమానులకు ఓ సందేశాన్ని పోస్ట్ చేశాడు.
‘"నేను ఇప్పటికీ అదే ప్రేమను ఫీలవుతున్నాను. నా జీవితంలో 'ఆర్య' మ్యాజికల్‌ మూవీ. ఇది నా జీవితాన్ని మార్చేసింది. సినిమా విడుదలై పదిహేనేళ్లు అయిందంటే నమ్మలేకపోతున్నాను. దర్శకుడు సుకుమార్‌, సంగీత దర్శకుడు దేవిశ్రీ ప్రసాద్‌, రత్నవేలు, దిల్‌రాజు అందరికీ ధన్యవాదాలు. నన్ను ఎంతగానో ఆదరించిన ప్రేక్షకులకు పేరుపేరునా కృతజ్ఞతలు" అంటూ 'ఆర్య' పోస్టర్‌ను ఇన్స్టాగ్రామ్లో పంచుకున్నాడు.