సల్మాన్​తో అలియా రొమాన్స్​

అభిమానులు ఎప్పుడెప్పుడా అని ఎదురుచూస్తున్న జంట వెండితెరపై మెరవబోతోంది. సల్మాన్, అలియా కలిసి నటిస్తారనే వార్తలు కొన్ని రోజులుగా వినిపిస్తున్నాయి. తాజాగా ఈ విషయాన్ని ధ్రువీకరించింది 'ఇన్షాల్లా' చిత్ర బృందం.

బాలీవుడ్ కండలవీరుడు సల్మాన్ ఖాన్ సరసన అలియా భట్ నటించనుంది. సంజయ్ లీలా భన్సాలీ దర్శకత్వంలో తెరకెక్కుతున్న 'ఇన్షాల్లా' సినిమాలో సల్లూమియాతో రొమాన్స్ చేయనుంది అలియా.

దాదాపు 20 ఏళ్ల తర్వాత సల్మాన్, భన్సాలీ కలిసి పనిచేస్తున్నారు. ఈ విషయాన్ని ట్విట్టర్లో పంచుకుని సంతోషాన్ని తెలిపాడీ బాలీవుడ్ హీరో. 'ఇన్షాల్లా' పేరుతో ఈ చిత్రాన్ని తెరకెక్కిస్తున్నారు.

"భన్సాలీతో మళ్లీ పనిచేయడం చాలా ఆనంందంగా ఉంది. అలియాతో కలిసి పనిచేయడానికి ఎదురుచూస్తున్నా" --ట్విట్టర్​లో సల్మాన్

"చివరికి మీరు ఊహించిందే నిజమైంది. భన్సాలీ, సల్మాన్, అలియా కలిసి చిత్రం చేయనున్నారు. ఈ సందర్భంగా అందరికీ శుభాకాంక్షలు" ---ట్విట్టర్​లో భన్సాలీ ప్రొడక్షన్స్

"భన్సాలీ, సల్మాన్​తో కలిసి నటిస్తున్నందుకు సంతోషంగా ఉంది. తొమ్మిదేళ్ల వయసులో భన్సాలీ ఆఫీసుకు వెళ్లా. ఇప్పుడు ఆయన చిత్రంలోనే నటిస్తుండటం ఆనందాన్ని కలిగిస్తోంది. షూటింగ్ కోసం చాలా ఆత్రుతగా ఎదురుచూస్తున్నా" -ట్విట్టర్​లో అలియా