అమితాబ్ బచ్చన్ ట్విట్టర్ ఖాతా హ్యాకైన ఒక్కరోజులోనే ప్రముఖ బాలీవుడ్ సింగర్ అద్నాన్ సామీ ట్విట్టర్ అకౌంట్ కూడా హ్యాక్కు గురైంది. బిగ్ బీ ఖాతాను హ్యాక్ చేసిన టర్కిష్ గ్రూపు 'అయిల్దిజ్ టిమ్' అద్నాన్ సామీ ఖాతాను కూడా స్తంభింపజేసింది.
అద్నాన్ ట్విట్టర్ ఫ్రొఫైల్లో ఇమ్రాన్ఖాన్ ఫొటో..!
బాలీవుడ్ గాయకుడు అద్నాన్ సామీ ట్విట్టర్ ఖాతా హ్యాక్కు గురైంది. అమితాబ్ బచ్చన్ అకౌంట్ను స్తంభింపజేసిన 'అయిల్దిజ్ టిమ్' టర్కిష్ సైబర్ దళం సామీ ఖాతానూ హ్యాక్ చేసింది. అద్నాన్ ప్రొఫైల్ పిక్ స్థానంలో పాకిస్థాన్ ప్రధాని ఫొటోను ఉంచింది.
అద్నన్
పాకిస్థాన్ ప్రధాని ఇమ్రాన్ ఖాన్ ఫొటోను అద్నాన్ సామీ ప్రొఫైల్ పిక్చర్కు అనుసంధించారు. అంతేకాదు సామీ బయోలో 'అయిల్దిజ్ టిమ్ లవ్ పాకిస్థాన్' అని మార్చారు. టర్కిష్, పాక్ జెండాలను ఇమోజీల రూపంలో చేర్చారు.
సోమవారం అర్ధరాత్రి 11:40 గంటలకు అమితాబ్ బచ్చన్ ట్విట్టర్ ఖాతా హ్యక్కు గురైంది. అయితే అరగంటలోనే సమస్య పరిష్కరించారు ముంబయి సైబర్ పోలీసులు. ఇంతకు ముందు షాహిద్ కపూర్, అనుపమ్ ఖేర్ ఖాతాలను కూడా ఇదే గ్రూపు హ్యాక్ చేసింది.