పాతకక్షలతో యువకుడిపై హత్యాయత్నం.. ఇద్దరి అరెస్టు

ఓ యువకుడిపై హత్యాయత్నానికి పాల్పడ్డ ఇద్దరు నిందితులను బాలాపూర్​ పోలీసులు అరెస్టు చేసి రిమాండ్​కు తరలించారు. పాతకక్షల నేపథ్యంలోనే హత్యాయత్నం జరిగినట్లు తెలిపారు.

హత్యాయత్నానికి పాల్పడ్డ ఇద్దరు నిందితులను బాలాపూర్​ పోలీసులు అరెస్ట్ చేశారు. రంగారెడ్డి జిల్లా బాలాపూర్ పీఎస్​ పరిధిలోని షాహీన్ నగర్ ప్రాంతంలో గత నెల 31న రాత్రి అమీరుద్దీన్ అనే యువకుడిపై సద్దాం, సల్మాన్ అనే ఇద్దరు నిందితులు కత్తులతో దాడి చేసి పారిపోయారు.

బాధితుడిని కుటుంబ సభ్యులు హుటాహుటిన ఆస్పత్రికి తరలించారు. హత్యాయత్నానికి పాల్పడ్డ సద్దాం, సల్మాన్​లను బాలాపూర్ పోలీసులు షాహీన్​నగర్ ప్రాంతంలో అరెస్ట్ చేసి రిమాండ్​కు తరలించారు. పాతకక్షల నేపథ్యంలోనే హత్యాయత్నం జరిగినట్లు బాలాపూర్ సీఐ భాస్కర్ తెలిపారు.

ఇవీ చూడండి: ద్విచక్రవాహనాన్ని ఢీకొట్టిన లారీ... విద్యార్థి దుర్మరణం