ఐపీఎల్​ బెట్టింగ్​ ముఠా అరెస్ట్​... తొమ్మిది లక్షలు స్వాధీనం

ఐపీఎల్​-13 నేపథ్యంలో క్రికెట్​ బెట్టింగ్​ నిర్వహిస్తున్న ముఠాను ఎస్వోటీ పోలీసులు అదుపులోకి తీసుకున్నారు. తొమ్మిది మంది నుంచి రూ.9 లక్షల నగదును స్వాధీనం చేసుకున్నారు. మరో ముగ్గురు పరారీలో ఉన్నట్లు పోలీసులు తెలిపారు.

ఐపీఎల్ నేపథ్యంలో బెట్టింగ్ రాయుళ్ల ఆగడాలు పెరుగుతున్నాయి. వారి ఆటలకు కళ్లెం వేసేందుకు పోలీసులు నిఘా నేత్రాలతో బెట్టింగ్ నిర్వాహకుల సమాచారాన్ని తెలుసుకుంటున్నారు. అల్వాల్ పీఎస్​ పరిధిలోని భూదేవి నగర్​లో హైదరాబాద్-పంజాబ్ మ్యాచ్​పై భారీగా బెట్టింగ్ జరుగుతుందన్న సమాచారంతో బాలనగర్​ ఎస్వోటీ పోలీసులు దాడులు నిర్వహించారు.

భూదేవి నగర్​లోని ఓ ఇంట్లో బెట్టింగ్​ నిర్వహిస్తున్న ముఠాను బాలనగర్ ఎస్వోటీ పోలీసులు అదుపులోకి తీసుకున్నారు. 9 మంది నుంచి తొమ్మిది లక్షల రూపాయల నగదును స్వాధీనం చేసుకున్నట్లు పోలీసులు తెలిపారు. మరో ముగ్గురు పరారీలో ఉన్నట్లు పేర్కొన్నారు. బెట్టింగ్ నిర్వహిస్తున్న వారిని ఎస్వోటీ పోలీసులు అల్వాల్ పోలీసులకు అప్పగించారు.

ఇవీ చూడండి: కీలక దశకు సీఎంఆర్​ఎఫ్​ కుంభకోణం కేసు