యువకుడి మృతి... కార్పొరేటర్​పై బంధువుల దాడి

ఖమ్మం నగరంలోని ఒకటో డివిజన్​లో ఉద్రిక్త పరిస్థితులు నెలకొన్నాయి. ఆ ప్రాంతంలో ఆగష్టు 16న ఓ యువకుడు మృతి చెందాడు. అతని మృతికి స్థానిక కార్పొరేటర్​ కారణమని ఆరోపిస్తూ యువకుడి బంధువులు కార్పొరేటర్​పై దాడి చేశారు.

ఖమ్మం నగరం ఒకటవ డివిజన్​లో ఓ యువకుడి మృతికి సంబంధం ఉందంటూ స్థానిక కార్పొరేటర్ రామ్మూర్తి నాయక్​పై యువకుడి బంధువులు దాడి చేశారు. ఈ దాడిలో కార్పొరేటర్ కారు ధ్వంసమైంది. కార్పొరేటర్ రామ్మూర్తి నాయక్ స్థానిక ప్రభుత్వ పాఠశాలలోకి వెళ్లి దాక్కున్నాడు. ఇంతలో పోలీసులు వచ్చి ఆందోళనకారులకు అడ్డుగా నిల్చున్నారు.

ఆగస్టు 16న కైకొండాయి గూడెంకు చెందిన తేజావత్ ఆనంద్​ తేజ్ అనే యువకుడిని రామ్మూర్తి నాయక్ తన ఇంట్లో పనికి తీసుకెళ్లాడు. కాసేపటి తర్వాత యువకుడు మృతి చెందాడని తల్లిదండ్రులకు సమాచారం ఇచ్చినట్లు స్థానికులు చెబుతున్నారు. రామ్మూర్తి నాయక్​ తన ఇంట్లో లంక బిందెల కోసం పూజలు చేస్తూ తన కుమారుడిని బలి ఇచ్చాడని తల్లిదండ్రులు ఆరోపిస్తున్నారు.

ఇవీ చూడండి: ట్రాన్స్​ఫార్మర్​ వద్ద ఫ్యూజ్​ మారుస్తుండగా విద్యుదాఘాతం.. వ్యక్తి మృతి